SANLY BILIM ULGAMY — DÖWRÜŇ TALABY
Arkadag Serdarly bagtyýar ýaşlar ýylynda bilim ulgamyny toplumlaýyn ösdürmek boýunça uly işler durmuşa geçirilýär. Şonuň netijesinde ähli bilim edaralarynda, şol sanda orta hünär okuw mekdeplerinde hem ýaş nesle berilýän bilimiň mazmuny we hili yzygiderli kämilleşýär. Hormatly Prezidentimiziň döredip berýän şertleriniň netijesinde, bilim edaralarynda dünýä ölçeglerine laýyk gelýän täze tehnologiýalardan peýdalanylmagy, ylmyň soňky gazananlarynyň hem-de okatmagyň innowasion usullarynyň bilim ulgamyna ornaşdyrylmagy bilimiň hiliniň ýokary derejesini üpjün edýär.
Aşgabat şäherindäki agrosenagat orta hünär okuw mekdebiniň ähli 1-nji ýyl talyplarynyň aprel aýy boýunça aýlyk synaglarynyň jemi boýunça çäre geçirildi. Bu çäre mekdebiň direktorynyň ýolbaşçylygynda guramaçylykly geçirildi. Çärede her bölümiň usuly birleşmesiniň ýolbaşçylary we jemgyýetçilik guramalarynyň wekilleri öz çykyşlary bilen talyplara öwüt-nesihatlary berdiler. Aýlyk synaglarynyň jemi boýunça göreldeli okan talyplar aýratyn tapawutlandyrylyp, olara okuwlarynda has-da uly üstünlikler arzuw edildi.
Hawa, bilimli, ukyply, döwrebap tehnologiýalardan baş çykaryp bilýän ruhubelent nesli terbiýeläp ýetişdirmekde öňde uly wezipeler durýar. Bu belent hem jogapkärli wezipelere hötde gelmekde döredip berýän şertleri üçin hormatly Prezidentimize egsilmez alkyş aýdýarys.
Aşgabat şäherindäki agrosenagat orta hünär okuw mekdebiniň
mugallymy Ahmet Gurbanow
