“Ýol hereketiniň howpsuzlygy-ömrümiziň rahatlygy” atly wagyz-nesihat duşuşygy geçirildi
Wagyz-nesihat duşuşygynda çykyş edenler Berkarar döwletiň täze eýýamynyň Galkynyşy döwründe, 2024-nji Pähim-paýhas ummany Magtymguly Pyragy ýylynyň sentýabr aýynyň dowamynda “Ýol hereketiniň howpsuzlygy-ömrümiziň rahatlygy” atly bir aýlygyň çäklerinde talyp ýaşlarynyň arasynda Konstitusion kanunlar we beýleki kadanamalar, kanun bozulmalaryň öňüni almak, ýol hereketiniň kadalarynyň berk berjaý edilmegini gazanmak, ýaramaz endikleriň täsirlerinden daşda durmak, kanuna laýyk gelmeýän hadysalaryň getirýän netijeleri, jenaýatçylygyň alamatlarynyň döremegi, ýangyn howply ýagdaýlaryň döremek howpunyň öňüni almak, sagdyn durmuş we milli ahlak ýörelgelerini düşündirmek boýunça giňişleýin wagyz-nesihat gürrüňdeşligini geçirdiler we bu ugurda sentýabr aýynyň aýratyn uly ähmiýete eýedigini bellediler. Bu aýyň dowamynda bütin ýurdumyz boýunça «Yol hereketiniň howpsuzlygy-ömrümiziň rahatlygy» atly aýlygyň geçirilýändigi bilen baglanyşykly uly many-mazmuna eýe bolýandygyny nygtadylar. Şeýle mazmunly duşuyklaryň talyp ýaşlaryň köçe ýol hereketiniň düzgünlerini gyşarnyksyz berjaý etmeklerinde we şonuň bilen baglylykda ýol hereket wakalarynyň hem sanynyň çürt-kesik azalmagyna uly täsir edýändigini bellediler. Wagyz-nesihat duşuşygynda çykyş edenler umuman alnanda hem ýaşlaryň örän terbiýeli, edep-ekramly we salyhatly bolmalydyklary barada giňişleýin durup geçdiler. Wagyz-nesihat duşuşygyna gatnaşyjylar talyp ýaşlara ýüzlenip, olara okuwlarynda uly üstünlikler arzuw etdiler we geljekde halkymyza, Watanymyza, Gahryman Arkadagymyza, Arkadagly Gahryman Serdarymyza çuňňur wepaly ýaşlar bolup ýetişmeklerini, ýurdumyzyň ykdysadyýetini has belent sepgitlere ýetirmekde öz saldamly goşantlaryny goşjak başarjaň hünärmenler bolup ýetişmeklerini arzuw etdiler hem-de Milli Liderimiz Gahryman Arkadagymyza, Hormatly Prezidentimiz Arkadagly Gahryman Serdarymyza uzak ömür, jan saglyk, ýurdumyzy has belent sepgitlere ýetirmek ugrunda alyp barýan asylly işlerinde uly üstünlikler arzuw etdiler.
Aşgabat şäherindäki agrosenagat orta hünär okuw mekdebiň
mugallymy Suhanow Ýakup
