Talyp kalbynyň joşguny
Akyldar şahyr
Başym gama batanynda,
Pyragy seni çagyrdym.
Derde bagly ýatanymda,
Pyragy seni çagyrdym.
Begenjimden aglanymda,
Gussa bagrym daglanynda,
Şygra ömrüm baglanymda,
Pyragy seni çagyrdym.
Gyssanamda, gynanamda,
Çetieşdirlip, ýanalamda,
Duýgularym talananda,
Pyragy seni çagyrdym.
Pyragy
Bir suprada taýýar kylynýar aşlar,
Arzuwlan zamanaň geldi Pyragy!
Arkadag Serdarly bagtyýar ýaşlar,
Parahatlyk sazyn çaldy Pyragy!
Berkararlyk isläp asyrlarboýy,
Bir döwlet boldular türkmenleň bary,
Guwanyp, görmäge bagtyýar toýy,
Çarýandan myhmanlar geldi Pyragy!
Yşka düşdüň, ýetmediler dadyňa,
Duçar bolduň aýralygyň oduna,
Şygyr ýazyp Meňli gyzyň adyna,
Köňlüň ýalyn bilen doldy Pyragy!
Söýgi ody niçe kalby daglady,
Yşk derdine guşlar, gurtlar aglady,
Milletiň geljegne umyt bagladan,
Umytlaryň hasyl boldy Pyragy!
Garaşsyz, Bitarap, berkarar ýurdum,
Baýryň eteginde heýkeliň gördüm,
Arkadagym, Arkadagly Serdarym,
Size baky nazar saldy Pyragy!
Zamanaň geldi
Ynsana belentruh paýlan akyldar,
Bu gün seniň küýsän zamanaň geldi.
Her öý her ojakda toýdur aýdym-saz,
Pyragy, arzuwlan zamanaň geldi.
Seniň zybanyňdan çykan sözleri,
Täç edýär türkmeniň ogul-gyzlary.
Isläpdiň sen şu ajaýyp ýazlary
Pyragy, arzuwlan zamanaň geldi.
Agzybirlik söýýän eziz halkym bar,
Her bir günde şan-şöhrat bar, ýalkym bar,
Milli Lider bilen ilim bagtyýar,
Pyragy, arzuwlan zamanaň geldi.
Göterlip ykballar, bir boldy başlar,
Bu gün bir suprada taýýardyr aşlar,
Barha gözelleşýär töwerek-daşlar,
Pyragy, arzuwlan zamanaň geldi.
Ýazasym gelýär
Jadyly duýgular gelipdir nirden,
Rugsat alan deýin melekden-hüýrden,
Bu gün üýtgeşikmi, näme üçin irden
Sen hakynda goşgy ýazasym gelýär.
Seretsem, hyýallar uçup ýör ýerläp,
Bolşuma adamlar bakýarlar geňläp,
Men bolsa başagaý ýeňimi çermäp,
Sen hakynda goşgyýazasym gelýär.
Dür duýgular özün nälaýyk saýyp,
Geçip dur deňimden, geçip durgaýyp,
Ençe ýyl oýlandym, mertebä laýyk,
Sen hakynda goşgy ýazasym gelýär.
Özge şatlyklardan ýüregim boşap,
Ýeňlesin ýelkenim derdiňi daşap,
Halypam Pyragy seň üçin ýaşap,
Sen hakda şygyrlar ýazasym gelýär.
Döneýin
Gözel ýurdum, ýaýlalaryň owadan,
Gülälekli ýazlaryňa döneýin.
Arkadag Serdarly ýurdum abadan,
Dünýä dolan sazlaryňa döneýin.
Düňle çölde tez marallar oýnaýar,
Giň sähraňda owlak-guzy ýaýnaýar,
Jülgeleňde çeşme-çaýyň gaýnaýar,
Gaplaň-şirli derelerňe döneýin.
Jeýhun derýaň joşgunlydyr, sillidir,
Aslyň Pyragy deý çeper dillidir,
Eziz Diýar goýnuň ap-akgüllüdir,
0l Arkadag şäheriňe döneýin.
Gözelleriň dokar nepis halyny,
Keşdä çeker täsinligiň baryny
Şemal oýnargara saçlaň taryny
Çeper elli gyzlaryňa döneýin.
Berkarar döwletde baky ýazlaryň,
Köllerde ýaýnasyn guba-gazlaryň,
Ýaň salsyn äleme şirin sazlaryň,
Bagtyýarlyk mukamyňa döneýin.
Ogulsenem MÜLLIÝEWA,
Aşgabat şäherindäki agrosenagat orta hünär okuw mekdebiniň talyby.
